AURKEZPENA:Maite Jurio Bitarte. 43 urte. Artaxoakoa eta Artaxoan bizi naiz.
Irakaslea naiz. Salamancan ikasi nuen eta Eunate institutuan ikasketa klasikoen arloak ematen ditut euskeraz: Kultura Klasikoa, Latina eta Grekoa.
Zer moduz institutuan nerabeekin?
Bagoaz.
Iruditzan al zaizu irakasleekiko errespetu gutxi dagoela, bereziki adin horretan?
Gizartean ikusten dena ikasteetxetan islatzen da.
Euskaldun zaharra al zara?
Berrria
Noiz hasi zinen ikasten?
14 urterekin lehenengo klaseak jaso genituen herriko batzuek. Artaxoako Ignacio Buzunarizekin uda batean.
Zein tokitan ikasi duzu?
Artaxoan, Salamancan eta Nafar gobernuko euskaltegian.
Nola?
Gogo handiz
Zergatik?
Gure hizkuntza maite dudalako
Noiz praktikatzen duzu?
Egunero
Non?
Etxean eta lanean batez ere
Norekin?
Familiakoekin, lanekoekin eta inguru honetan euskera ezagutzen dutenekin.
Artaxoan noraino nabari izan dira Zerkoaren berrikuntzak? Turismo gehiago nabari al da?
Asko nabaritu da, herrian jende gehiago ikusten da, batez ere Zerko inguruan.
Herria kontzientziaturik dago patrimonioa gorde eta zaindu behar dela?
Aspaldidanik herrian nabaritzen zen. Etxeak berritzea aspaldiko kontua da, baina orain arte horrek ez zuen eragin handirik gure monumentuetan.
Nola ikusten duzu euskara merindadean?
Gora doala, ezagutzen eta erabiltzen dugunak gero eta gehiago garela, baina oraindik lan asko egin behar dela.
Zerbait esan nahi diezu beste euskaldunei? eta erdaldunei?
Euskaldunei aukera duten guztietan erabiltzeko eta erdaldunei ez dela hain zaila eta dasta dezatela.
1 comentario:
Publicar un comentario